• O le a lea mea?
• O a auga?
• E mafua i le a?
• E mafai o na togafitia?
• E faapefea o na ou aloese mai i le toesea o le vaai i le AMD?
• O fea ou te maua mai ai nisi faamatalaga?

O le a lea mea?

O le mou malie atu o le macular o na o le matua o tausaga ( ua taua foi o le ARMD po o le AMD) o se mai o le moumou malie atu lea o le macula, o vaega itiiti lea o le ‘retina’ e gafa male faatonutonuina o sulu i le ioi-mata.

A faamanualia o tatou sulu i ioi-mata o na tuua lea o i tatou ma le sulu i autafa-mata, ua faafaigata ai o na faia ni mea e iai le faitau tusi, o le ave taavale ma galuega taulima – po o le maitauina foi o foliga o tagata. E lua ituaiga o AMD – o le matutu ma le susu.

O LE AMD MATUTU. O le ituaiga taatele lenei ma e le matuia tele ma e aofia ai ituaiga eseese o le toeseina o le vaai. O LE AMD MATUTU e foliga i ni mea papae-samasama laiti e toa ma ua taua o le ‘drusen on the macula’. A tonu e ono iu atu ai i na maua, po o le leai foi, i le ituaiga matuia lea o le AMD susu.

O LE AMD SUSU e ui i na le taatele lenei ituaiga a o lona afaina e matuia tele. O le AMD susu e mafua i le tutupu mai o ala-toto le lelei e iu i na papa ma masua atu ai le sua i tua-mata ona tupu ai lea o le maila ma faatetele ai loa le toesea o le vaai.

O a auga?

A tonu e iai se eseesega tele i auga, a o uiga taatele o le:

• Nenefu lea o le sulu i ioi-mata
  
• Faafaigata o na faitau po o le iloa o mea ninii
  
• Fepiopioa’i o laina ma le foliga mai o mea.
  
• Faafaigata o na maitau foliga - Maaleale i le malamalama pupula.
  
• O le iai o se mea ua punitia ai le sulu i ioi-mata

E mafua i le a?

E le o mautinoa lelei pe mafua i le a le AMD. Peitai o loo iai ni itu na fanau mai ma le tagata faapea le siosiomaga ua maitauina e mafai o na faatetele ai lou ono maua ai. O nei mea e aofia ai:

• Le talafaasolopito o le aiga – tagata e iai ni aiga tau-toto ua maua i le AMD e tatau o na faifaisoo le siakiina o mata.
  
• Ulaula tapaa – ua faamaonia faafomai o se mea e lamatia tele ai lenei mea.
  
• Le malamalama UV – o suesuega lata mai nei na faaalia ai o ave o le UV e faatamaia ai le macula. Ia 100% le malosi o le matatioata lanu ma se pulou e lautele lona lau e mafai o na puipuia mai ai ou mata i le malosi faamanualia o le la.

E mafai o na togafitia?

I le taimi nei e le o iai se togafiti ua iloa mo le AMD matutu. E lua togafitiga autu mo le AMD susu e mafai o na faateletelegese ai le alu a le mai, e ui lava i na ua le mafai ona toe faafoisia mai le vaai ua toesea.

Photocoagulation - O le tapeina lea o ala-toto ua mama i totonu o le ‘retina’ i le malamalama vevela mai le ‘laser’. O lenei faatinoga e ono punitia ai le sulu i le retina.

Photodynamic – o le faatinoga lea e faaigoa o le ‘laser’ malulu e faaaoga iai se vai ua faaigoa o le ‘dye’ lea e iliilitata tele i le malamalama e vaai ai ma togafitia ai le tutupu mai o ala-toto le lelei.

E faapefea o na ou aloese mai i le toesea o le vaai i le AMD?

O le faifaisoo o le siakiina o mata o se auala e sili atu lea o na lelei e mau ai lau vaai.

A toesea le vaai o na o le tulai mai o ala-toto le lelei, e le toe mafai o na foia. Ua fautuaina faapea o tagata ua i luga atu o le 50 tausaga le matutua, ia siakiina mata i le tai 5 tausaga, ma o i latou ua i le vaega ua mauluga se tulaga e aafia ai, ia siakiina mata i le tai 2 tausaga.

Aua le ulaula tapaa, ae afai o loo e ulaula, ia tuu loa.

I ni sailiiliga lata mai nei na faailoa ai faapea o le au ulaula e faalua i le faalima le tele o le avanoa e maua ai i le AMD i lo le au le ulaula.

Taumafa faa5+ i le aso fualaau aina ma fua o le eleele.

Ia faasilia ai lava laulaau lanu meamata o le ituaiga e iai le laupele ma kale. O loo maua i nei mea le vailaau ua faaigoa o le ‘lutein’ ma le ‘zeaxanthin’ e tetee atu ai i le ‘ona, ma o le tele ma tele o suesuega ua fautua mai ai e aoga tele mo le soifua maloloina o mata. E le mafai e le tino o le tagata o na faia se tasi o nei mea, ae mafai o na ia taofia, ma ua taofia la i le ‘macula’. Ua faailoa mai o nei mea e lua e puipuia mai ai mata i le faaleagaina e ave o le UV, ma ua avea e pei o se puni-la faanatura o le mata.

O fea ou te maua mai ai nisi faamatalaga?

O le Retina New Zealand o loo maua iai faamatalaga eseese, faapea foi ma faalapotopotoga fefaamalosiai (peer support group) mo i latou ua maua i le AMD. E mafai o na faafesootai atu oe i se faalapotopotoga faapenei i le valaau atu lea i le 0800 24 33 33 o na oomi lea o le 1 mo ni faafesili masani ma tau loa iai lou fia talanoa atu i le au fefaamalosiai (peer supporter) a le Retina New Zealand.